FFRang ferðir 2024

Mæting við Miðjuna á Hellu, en snjóalög ráða áfangastað og endanleg dagsetning fer eftir veðurspá. Gert ráð fyrir utanbrautarskíðum og höfuðljósi. Umsjón: Grétar Laxdal Björnsson & Hugrún Hannesdóttir.

Stórkostleg ganga á Rauðöldur í dag. Gengum í rúma 7 tíma og 21.5 km. Sjónarhornið á Heklutind er stórbrotið af Rauðöldum. Ferðafélagar hrópuðu þar ferfalt húrra fyrir nýjum forseta Íslands svo undir tók í fjöllum. Gústav Þór Stolzenwald var traustur og fróður fararstjóri líkt og ævinlega. Takk fyrir daginn.

Vorið kom í dag þegar við gengum hringinn um "Héraðsfjallið" okkar Rangæinga -Þríhyrning. Vorum 23 sem gengum og 2 hundar fylgdu með. Hörkufín 11.5 km ganga sem tók 4.5 klst og fróðleg og traust fararstjórn hjá Helga Jóhannessyni - kærar þakkir. Algjör snilld.

Ferðafélag Rangæinga stóð fyrir fjölskyldugöngu í Gjánna í Þjórsárdal. Gísli Gíslason og Ágústa Guðmarsdóttir leiddu gönguna "Gengið var frá bílastæðinu við Stöng, upp að rústum Stangarbæjarins sem fór í eyði í Heklugosinu 1104. Síðan hring beggja vegna Rauðár um Gjána. Fengum einstaka veðurblíðu og mannskapurinn náði að sulla svolítið í ánni 😉" Hér fylgja nokkrar myndir frá Gísla og Unni Ó.

Seinni dagurinn á Gönguhelgi FFRang í Áfangagili var virkilega vel heppnaður. Þá var gengið á Valahnúka og var þar magnaður hópur á ferð en göngustjórar voru Hjalti Ófeigsson og Hugrún Hannesdóttir - hafið heila þökk fyrir góða leiðsögn.

Hvílíkt veður sem gönguhópurinn frá FFRang fékk í dag á fyrri degi gönguhelgar í Áfangagili. Frábærir fararstjórar voru Sigríður Theódóra Kristinsdóttir og Hugrún Hannesdóttir. Gengið frá Rjúpnavöllum að Áfangagili.

Steinunn Ósk Kolbeinsdóttir leiddi glæsilegan hóp hjólreiðafólks á vegum FFRang um sólbjart Rangárþing nú í kvöld - "Það var hjólað yfir malbik, móa og mela og veðrið uppá sitt besta eins og ferðafélagarnir. Hvað er betra en að fara nýjar leiðir í okkar stórbrotnu náttúru?"

Óvissuláglendisganga dagsins farin um Melaskóg, Gilsbakkalandið og Aldamótaskóginn. Frábær mæting og gott veður. Takk allir

Duglegir FFRang félagar tóku tóku góðan hring í Þykkvabæ - gengið m.a. um Gljánna og auðvitað kakó og kleinur hjá Jóhönnu Lilju í Skarði á eftir - kærar þakkir!

Uppsalaskógur. Miðvikudagsgangan að þessu sinni var afar hressandi og fræðandi. Steinunn Ósk Kolbeinsdóttir leiddi FFRang félaga um töfralundi þá sem fjölskyldan hennar hefur komið upp á aldarfjórðungi eða svo. Skógurinn skýlir, fegrar, bindur kolefni og margt fleira - til hamingju Uppsalafólk.

FFRang félagar gengu inn í fuglasöng og vorveður í indælli og hressandi miðvikudagsgöngu í kvöld. Gengið frá Keldum áleiðis eftir kirkjuveginum frá Odda um ofanverðan Geitasand, sveigt niður hjá Reyðarvatni og út að Hróarslæk og endað á Hótel Læk í gómsætri súpu í boði Emilíu og Gunnars. Frábær útivera í góðum félagsskap. Kærar þakkir til göngustjóranna fyrir góða leiðsögn og einstaka gestrisni á Hótel Læk.

Sumir eru einfaldlega léttari á fæti en aðrir. Það sannaðist þegar hlaupið var í samvinnu við Fríska Flóamenn á dögunum. Okkar kona Guðrún Lára Sveinsdóttir leiddi hlaup með Ytri-Rangá í vorblíðunni. Vel gert!

Hér eru nokkrar myndir úr ferðinni í Þröngubása og Sniðin. Gengum 13,9 km og 380 m hækkun. Fínasta gönguveður, nánast þurrt og smá gola.

Safnast saman við Miðjuna á Hellu og ekið á upphafsstað göngu. Gengið austan megin Rangár að Árbæjarfossi. Umsjón: Sævar Jónsson.